Skip This
नेपाल विद्युत प्राधिकरण वितरण केन्द्र तुलसीपुरले दुईवटा एनसिएल टावरको विद्युत् काटेको छ । वितरण केन्द्रले हापुरेको र मोतिपुरको टावरको लाइन काटेको हो । विद्युतको बक्यौता रकम नबुझाएको भन्दै आइतबार ती टावरको लाइन काटिएको वितरण केन्द्र प्रमुख ज्ञानप्रसाद फर्सालले बताए ।
मोतिपुर टावरको ६ लाख ११ हजार ४ सय ९४ महसुल छ । जरिवानासहित साढे ७ लाख भएको छ । सोही टावरको विद्युत् महसुल नबुझाएको करिब दुई वर्ष हुन लागेको छ । त्यस्तै, हापुरेको टावरले पनि दुई वर्षदेखि विद्युत् महसुल बुझाएको छैन ।
५ लाख २० हजार रुपैयाँभन्दा बढी बक्यौता छ भने जरिवाना जोड्दा साढे ६ लाखभन्दा बढी हुन्छ । प्राधिकरणले पटक–पटक भाडा बुझाउन अनुरोध गर्दा पनि कुनै चासो नदिएपछि लाइन काटेको जनाएको छ ।
