- वि.सं २o७९ फाल्गुण १५ सोमबार
रिद्धिसिद्धि सिमेन्ट लिमिटेडले मकवानपुरको मनहरि–८, सिम्पानीमा रहेको श्री मनहरि बहुमुखी क्याम्पसलाई शैक्षिक सामग्री सहयोग गरेको छ । कम्पनीले ल्यापटप, कम्प्युटर, प्रिन्ट, प्रोजेक्टरसहितका शैक्षिक सामग्री हस्तान्तरण गरेको हो ।
शैक्षिक सामग्री हस्तान्तरण गर्दै रिद्धिसिद्धि सिमेन्टका प्रमुख कार्यकारी अधिकृत गुणबहादुर खनालले संस्थागत सामाजिक उत्तरदायित्वअन्तर्गत राक्सिराङ कैलाश, मनहरिजस्ता मकवानपुरकै विकट क्षेत्रलगायतका क्षेत्रका आर्थिक रूपमा विपन्न विद्यार्थी लाभान्वित हुने गरी शैक्षिक सामग्री वितरण गरेको बताए ।
उक्त कार्यक्रममा क्याम्पसका अध्यक्ष तथा पूर्वसांसद ओमबहादुर घलानले कम्पनीको सहयोगप्रति आभार व्यक्त गर्दै उद्योग सञ्चालन र विकासका लागि सो भेगका जनताले सहयोग गर्ने विश्वास व्यक्त गरेको जनाइएको छ । कम्पनीले आफ्नो संस्थागत सामाजिक उत्तरदायित्वअन्तर्गत आगामी दिनमा पनि यस्तै सामाजिक कार्यक्रम गर्दै जाने जनाएको छ ।
