- वि.सं २o७९ पौष २१ बिहीबार
गण्डकी प्रदेशका प्रमुख पृथ्वीमान गुरुङले सरकार गठनका लागि आह्वान गरेका छन्। सरकार गठनका लागि पुस २५ गते सोमबार ४ बजेभित्र दाबी पेस गर्न आह्वान भएको प्रदेश प्रमुखको कार्यालयका प्रवक्ता चण्डीप्रसाद अर्यालले जारी गरेको विज्ञप्तिमा उल्लेख छ।
नेपालको संविधान २०७२ को धारा १६८ को उपधारा (२)बमोजिम प्रदेश सभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमत प्राप्त गर्नसक्ने प्रदेश सभा सदस्यलाई गण्डकी प्रदेशको मुख्यमन्त्री नियुक्तिका लागि प्रदेश प्रमुख गुरुङले आह्वान गरेका हुन्।
मुख्यमन्त्री नियुक्तिका लागि संविधानको धारा १६८ को उपधारा (१)बमोजिम कुनै पनि दलको स्पष्ट बहुमत प्राप्त नभएकाले उपधारा (२)बमोजिम आह्वान गरिएको हो।
