- वि.सं २o७९ पौष १९ मंगलबार
१५ वटा हाइड्रोपावर कम्पनीले लाभांश प्रस्ताव गरेका छन् । अघिल्लो आर्थिक वर्षको मुनाफाबाट कम्पनीहरूले आफ्ना सेयरधनीलाई लाभांश प्रस्ताव गरेका हुन् । नेपाल स्टक एक्सचेन्जमा सूचीकृत ६२ वटा हाइड्रोपावर कम्पनीमध्ये हालसम्म १५ वटा कम्पनीले मात्र लाभांश प्रस्ताव गरेका छन् ।
आव ०७७/७८ मा १२ वटा हाइड्रोपावर कम्पनीले मात्र लाभांश प्रस्ताव गरेका थिए । अघिल्लो आर्थिक वर्षको मुनाफाबाट सबैभन्दा धेरै लाभांश प्रस्ताव गर्नेमा रिडी हाइड्रोपावर कम्पनी रहेको छ । कम्पनीले लगानीकर्तालाई पहिलोपटक ४० प्रतिशत बोनस सेयर दिएको छ भने दुई दशमलव २१ प्रतिशत नगद लाभांश प्रस्ताव गरेको हो ।
त्यसैगरी, कालिका पावर कम्पनी रहेको छ । कम्पनीले १५ प्रतिशत बोनस सेयर र शून्य दशमलव ७९ प्रतिशत नगद लाभांश प्रस्ताव गरेको छ । यसअघिको आर्थिक वर्षमा पनि कम्पनीले लगानीकर्तालाई सोही अंकबराबरको लाभांश प्रस्ताव गरेको थियो ।
