- वि.सं २o८१ बैशाख २० बिहीबार
जनमत पार्टीका अध्यक्ष डा. सिके राउत सरकारमा नजाने भएका छन् । उनले पार्टीका उपाध्यक्ष अब्दुस खानको नेतृत्वमा आफ्नो पार्टी सरकारमा सहभागी हुने जानकारी दिएका छन् ।
सरकारमा सहभागी दलहरूलाई मन्त्रालय बाँडफाँड गर्न बसेको सत्तागठबन्धनको बैठकले जनमत पार्टीलाई उद्योग मन्त्रालयसहित सरकारमा सहभागी गराउने निर्णय गरेको छ ।
बैठकको निर्णयबारे जानकारी दिँदै जनमत पार्टीका अध्यक्ष डा. सिके राउतले आफूहरूले उद्योग, वाणिज्य तथा आपूर्ति मन्त्रालय प्राप्त गरेको जानकारी दिए ।
उनले सो मन्त्रालयमा पार्टीका उपाध्यक्ष अब्दुल खानलाई पठाउने जानकारी दिए । खानले नै प्रचण्ड नेतृत्वको सरकारमा जनमत पार्टीको नेतृत्व गर्ने पनि बताए ।
समानुपातिकबाट प्रतिनिधिसभा सदस्य निर्वाचित भएका खान बर्दिया गुलरियाका हुन् । ३६ वर्षीय खानले आजै मन्त्रीको शपथ लिनेछन् ।
