पूर्वराजा ज्ञानेन्द्र शाहले आज जनकपुरधामस्थित जानकी मन्दिरमा विशेष पूजापाठ गरेका छन्। उनी शुक्रबार जनकपुर आइपुगेका थिए।
जानकी मन्दिरमा पूर्वराजालाई स्वागतका लागि रातो कार्पेट ओछ्याइएको थियो। मन्दिरका महन्त रामतपेश्वर दास र सहायक महन्त रामरोसन दासले पूर्वराजालाई मायाको चिनो प्रदान गरेका थिए।
पूजापाठपछि उनी यात्रीनिवास गएका थिए। उनी शुक्रबार साँझ गंगा सागरमा दैनिक आयोजना हुने महागंगा आरतीमा सहभागी भएका थिए। उनीसँगै पूर्वमहारानी कोमल शाह र छोरी पनि जनकपुर पुगेका थिए।