- वि.सं २o७९ मङ्सिर २० मंगलबार
कञ्चनपुरमा यस वर्ष धान उत्पादन वृद्धि भएको छ । कृषि ज्ञान केन्द्र कञ्चनपुरका अनुसार गत वर्षको तुलनामा यस वर्र्ष धानको उत्पादकत्व १ दशमलव ३७ ले बढेको छ ।
कृषिज्ञान केन्द्र कञ्चनपुरका सूचना अधिकारी हरिदत्त जोशीका अनुसार यस वर्ष कञ्चनपुरमा धान उत्पादन प्रतिहेक्टर ३ दशमलव ९२ प्रतिहेक्टर छ ।
‘गत वर्ष बेमौसमी वर्षाका कारण किसानको धान उत्पादनमा क्षति पुगेको थियो,’ उनले भने, ‘तर, यस वर्ष धानको उन्नत जातका बिउ प्रयोग र नियमित वर्षाका कारण धान उत्पादन बढेको हो ।’
