- वि.सं २o७९ मङ्सिर १५ बिहीबार
बाजुरामा १० दिनदेखि राेकिएको मतगणना बिहीबार दिउँसो ३ः३० बजेबाट सुरु गर्ने सहमति भएको छ।
बाजुरा जिल्ला मुख्य निर्वाचन अधिकृतको कार्यालयले बोलाएको सर्वदलीय बैठकले ३ः३० बाट मतगणना सुरु गर्ने निर्णय गरेको मुख्य निर्वाचन कार्यालयको सचिवालयले जनाएको छ।
निर्वाचन आयोगले बाजुरामा रोकिएको मतगणना गर्न बुधबार निर्णय गरेको भए पनि बाजुरामा मतगणना अनिश्चित बनेको थियो।
आयोगको मतगणना गर्ने निर्णय गरेसँगै मुख्य निर्वाचन अधिकृतको कार्यालयले बाजुरामा तेस्रोपटक सर्वदलीय बैठक बोलाएर मतगणनाका लागि सहमति जुटाएको हो।
बुधबारको बैठकमा नेकपा एमाले सहभागी भए पनि सहमति जट्न सकेन। आज बिहान ७ बजे र ११ बजे दुई चरणमा बसेको बैठकमा सहमति जुटेसँगै मतगणना सुचारु गर्ने सहमति भएको मुख्य निर्वाचन अधिकृतको कार्यालय बाजुराले जनाएको छ।
