Skip This
कांग्रेसका नेता प्रकाशमान सिंहले नेकपा एमालेका अध्यक्ष केपी शर्मा ओलीसँग भेटवार्ता गरेका छन्। सिंहको सचिवालयका अनुसार उनले आइतबार ओलीनिवास बालकोट पुगेर भेट गरेका हुन्।
नेता सिंहका स्वकीय सचिव युपी लामिछानेले एमाले अध्यक्ष ओलीसँगको भेटमा बधाई साटासाट र समसामयिक राजनीतिक विषयमा छलफल भएको जानकारी दिए।
उनीहरूबीच करिब एक घण्टा छलफल भएको थियो। ‘यसअघि पनि समय-समयमा भेट हुने गरेको हो। निर्वाचनपछि पहिलोपटक भेट भएको हो। भेटमा शुभकामना आदानप्रदान र समसामयिक राजनीतिक विषयमा छलफल भएको हो,’ लामिछानेले नयाँ पत्रिकासँग भने।
निर्वाचनको परिणाम अन्तिम अवस्थामा रहेको समयमा कांग्रेसबाट प्रधानमन्त्रीको दाबेदारका रूपमा आफूलाई अघि सारेका सिंहको अध्यक्ष ओलीसँगको भेटलाई अर्थपूर्ण मानिएको छ।
