- वि.सं २o७९ मङ्सिर ८ बिहीबार
दाङ क्षेत्र नम्बर २ को प्रतिनिधिसभा सदस्यमा एमाले महासचिव शंकर पोखरेल प्रतिस्पर्धी रेखा शर्माको नजिक पुग्न थालेका छन् । सुरुवात देखि नै फराकिलो अग्रता लिएकी माओवादी केन्द्रकी शर्मा ३१७ मतले मात्रै पोखरेलभन्दा अघि छिन् ।
७० हजार एक सय नौ मत गन्दा शर्माले २४ हजार ७२ प्राप्त गरेकी छन्, भने पोख्रेलले २३ हजार सात सय ५५ मत प्राप्त गरेका छन् । मतगणना कार्य अन्तिम चरणमा पुग्दा पोखरेल शर्माको नजिक–नजिक आउन थालेका छन् । जम्मा ७९ हजार चार सय ४६ मत खसेकोमा अब नौ हजार तीन सय ३७ मत मात्रै गन्न बाँकी छ ।
त्यस्तै राष्ट्रिय स्वतन्त्र पार्टीका विशाल अधिकारीले १४ हजार सात सय ११ मत प्राप्त गरेको मुख्य निर्वाचन अधिकृत कृपासुर कार्कीले जानकारी दिए ।
