- वि.सं २o७९ मङ्सिर ७ बुधबार
पर्साको निर्वाचन क्षेत्र नम्बर ४ मा नेपाली कांग्रेसका रमेश रिजाल विजयी भएका छन् । रिजालले एमालेका जालिम मियाँलाई ५ हजार ५ सय २३ मतले पराजित गरेका हुन् । नेपाली कांग्रेसका रिजालले ३१ हजार १ सय ४२ मत ल्याएका छन् भने नेकपा एमालेका उम्मेदवार मियाँले २५ हजार ६ सय १९ मत ल्याएका छन् ।
जगरनाथपुर गाउँपालिकाका पूर्वअध्यक्षसमेत रहेका मियाँ गत मंसिरमा नेकपा माओवादी केन्द्रबाट एमाले प्रवेश गरेका हुन् । यसअघि रिजाल २०७० र ०७४ को निर्वाचनमा लगातार पराजित भएका थिए ।
