- वि.सं २o८१ पौष २५ बिहीबार
सन् २०२४ मा भारतमा सडक दुर्घटनामा परी करिब एक लाख ८० हजार व्यक्तिको मृत्यु भएको सडक यातायात तथा राजमार्गमन्त्री नितिन गडकरीले जनाए । उनका अनुसार सवारी दुर्घटनामा मृत्यु हुनेमध्ये ६६ प्रतिशत १८ देखि ३४ वर्ष उमेर समूहका रहेका छन् ।
त्यस क्रममा गडकरीले सडक दुर्घटनामा परी घाइते भएकाहरूको निःशुल्क उपचारको नयाँ योजनाको सुरुवात भएको घोषणा गरे । नयाँ व्यवस्थाअनुरूप दुर्घटनालगत्तै २४ घण्टाभित्र प्रहरीमा सूचना गराएर भर्ना भएका बिरामीको सात दिनको उपचार खर्च वा उपचारका लागि अधिकतम एक लाख ५० हजार भारतीय रुपैयाँसम्म उपलब्ध गराइनेछ ।
सडक दुर्घटनामा परी मृत्यु भएका व्यक्तिका लागि दुई लाख भारतीय रुपैयाँ पनि उपलब्ध गराउने व्यवस्थासमेत गरिएको गडकरीले बताए ।
