एनआइसी एसिया क्यापिटलले खुलामुखी योजना एनआइसी एसिया डाइनामिक डेप्ट फन्डबाट वितरण गरिने प्रतिफललाई पुनः लगानी गर्न मिल्ने योजना ल्याएको छ । कम्पनीले ‘डिभिडेन्ड रि–इन्भेस्टमेस्ट’ प्लान सञ्चालनमा ल्याएको हो ।
योजनामा सहभागी हुनका लागि अनलाइनमार्फत आवेदन गरेमा उक्त प्रतिफल रकमबराबरको इकाइ सम्बन्धित इकाइधनीको हितग्राही खातामा पठाइदिने व्यवस्था मिलाएको क्यापिटलले जनाएको छ । यसका लागि कात्तिक ३० सम्म आवेदन दिने इकाइधनीहरू मात्र योग्य हुने कम्पनीको भनाइ छ ।
एनआइसी एसिया बैंक म्युचुअल फन्डअन्तर्गत सञ्चालित पहिलो खुलामुखी योजना ‘एनआइसी एसिया डाइनामिक डेप्ट फन्ड’ले इकाइधनीलाई आव ०७८/७९ मा करसहित ६ प्रतिशतका दरले प्रतिफल वितरण गर्ने घोषणा गरेको थियो । प्रतिफल वितरण गर्नका लागि कात्तिक १५ गते इकाइधनी दर्ता किताब बन्द गरिएको थियो ।
See More On
