यामाहा मोटरसाइकलको नेपालका लागि आधिकारिक विक्रेता एमएडब्लू इन्टरप्राइजेजले नयाँ वर्ष ०७९ लाई लक्षित गरी सुरु गरेको अफर ‘२०७९ह१००० गुणाले खुसी बढाउनुहोस्’को बम्पर पुरस्कार काठमाडौंका तेन्जिङ लामाले जितेका छन् । लामालाई कम्पनीले २० लाख ७९ हजारको चेक हस्तान्तरण गरेको छ ।
नेपालमा सार्वजनिक गरिएका अफरहरूमध्ये अहिलेसम्मकै सबैभन्दा बढी नगद राशि भएको उक्त नयाँ वर्ष अफर चैत १ गतेबाट जेठको दोस्रो हप्तासम्म चलाइएको कम्पनीले जनाएको छ ।
यसका अतिरिक्त, उक्त योजनाअन्तर्गत ग्राहकले यामाहाका कुनै पनि सवारीसाधन कम्पनीको अधिकारिक सोरुमबाट खरिदपश्चात् स्योर सट २०७९ह४=आठ हजार तीन सय १६ देखि २०७९ह१००=दुई लाख सात हजार नौ सय रुपैयाँसम्म नगद पुरस्कार जित्ने मौका पनि प्रदान गरिएको जनाइएको छ । कम्पनीका अनुसार ग्राहकहरूले यामाहाको आधिकारिक वेबसाइटमा दैनिक रूपमा खेलाइएको डिजिटल ज्याकपटमा सहभागी भई उल्लिखित नगद उपहार जितेका थिए ।
बम्पर विजेता लामाले पोखराको भिएडब्लू इन्टरप्राइजेजबाट यामाहा रेजेडआर १२५ सिसीको स्कुटर खरिद गरेका थिए । यामाहा रेजेडआर प्रतिलिटर ५८ किलोमिटर (औसतमा) माइलेज प्रदान गर्ने बजारमा एक मात्र स्कुटर रहेको कम्पनीको दाबी छ ।
यसैगरी, ग्राहकहरूको खुसी नै यामाहा नेपालका लागि सबैभन्दा महत्वपूर्ण रहेको यामाहा नेपालका कार्यकारी निर्देशक राजु क्षत्रीले बताए । आउँदै गरेको नेपालीको महान् चाडपर्व दसैँ–तिहारलाई अझ उत्सवमय एवं बृहत् बनाउनका निम्ति यस्तै आकर्षक अफरका लागि कम्पनीले तयारी गरिरहेको उनको भनाइ छ ।
