प्रधानमन्त्री कृषि आधुनिकीकरण परियोजनाअन्तर्गत सञ्चालित विभिन्न रोजगारलक्षित कार्यक्रमबाट ०७८ फागुनसम्म चार लाख ४३ हजार चार सय ३७ व्यक्तिले आंशिक र ४८ हजार सात सय ८१ व्यक्तिले पूर्ण रोजगारी प्राप्त गरेका छन् । शनिबार सरकारले चालू आर्थिक वर्षको आर्थिक सर्वेक्षणमा प्रधानमन्त्री कृषि परियोजनाबाट सो रोजगार पाएका हुन् । उक्त परियोजनाअन्तर्गत चालू आर्थिक वर्षमा ५८ परियोजना कार्यान्वयन एकाइमार्फत ७७ जिल्लामा एक सय ७७ जोन र १६ सुपरजोन सञ्चालनमा रहेका छन् ।
खाद्यान्न बाली उत्पादनको अवस्था
चालू आर्थिक वर्षमा खाद्यान्न बालीमा लगाइएको क्षेत्रफल अघिल्लो आर्थिक वर्षको तुलनामा शून्य दशमलव ०६ प्रतिशतले बढेको छ । तर, यसै आर्थिक वर्षमा बेमौसमी वर्षाका कारण धान बालीको उत्पादन आठ दशमलव ७ प्रतिशत प्रतिशतले कमी आएको छ । धान बालीको उत्पादनमा कमी आएसँगै सम्रग खाद्यान्न उत्पादनमा तीन दशमलव १ प्रतिशत र तीन दशमलव ७ प्रतिशतले कमी आउने अनुमान गरिएको छ ।
चालू आर्थिक वर्षमा धान बालीमा लगाएको क्षेत्रफल शून्य दशमलव २ प्रतिशतले वृद्धि हुने अनुमान मन्त्रालयको छ । अघिल्लो आर्थिक वर्षमा धान बालीमा एक दशमलव शून्य प्रतिशतले उत्पादन भएको थियो । त्यस्तै, चालू आर्थिक वर्षमा नौ लाख ८५ हजार पाँच सय ६५ हेक्टर जमिनमा मकै बाली लगाइएको थियो । यसपटक मकै उत्पादन तीन दशमलव ३ दशमलव ६ प्रतिशत वृद्धि भएको छ । चालू आर्थिक वर्षमा करिब सात लाख हेक्टरभन्दा बढी जमिनमा लगाएको गहुँ बालीमा उत्पादन शून्य दशमलव ८ प्रतिशतले वृद्धि भएको अनुमान छ ।
त्यस्तै, कोदो, फापर र जौको उत्पादनमा सामान्य वृद्धि हुने अनुमान सरकारको रहेको छ । त्यस्तै, आर्थिक वर्ष ०७८/७९ को फागुनसम्म दूध १७ लाख ३९ हजार मेट्रिकटन र मासु तीन लाख ८१ हजार मेट्रिकटन उत्पादन भएको छ भने चालू आर्थिक वर्षको फागुनसम्ममा एक अर्ब आठ करोड ३२ लाख गोटा अन्डा उत्पादन भएको सर्वेक्षणमा उल्लेख छ । त्यस्तै, तरकारीमा अघिल्लो वर्षको तुलनामा ४ प्रतिशतले वृद्धि भएको छ भने फलफूल चालू आर्थिक वर्षमा चार दशमलव १ प्रतिशतले वृद्धि भएको छ । अघिल्लो वर्षको तुलनामा फलफूल उत्पादन आठ दशमलव ९ प्रतिशतले बढेको थियो ।
त्यस्तै, आर्थिक वर्ष फागुनसम्ममा संघअन्तर्गत सञ्चालित सतह र भूमिगत सिँचाइ कार्यक्रमबाट क्रमशः दुई हजार आठ सय ९५ हेक्टर र एक सय १० हेक्टर गरी कुल तीन हजार पाँच हेक्टर सिञ्चित क्षेत्र थप भई फागुनसम्म १५ लाख १२ हजार चार सय ३२ हेक्टर जमिनमा सिँचाइ सुविधा पुगेको छ । ०७८ असारसम्म जम्मा १५ लाख ९ हजार चार सय २७ हेक्टर जमिनमा सिँचाइ सुविधा पुगेको थियो ।
