इमामी कम्पनीले उत्पादन गर्दै आएको मालिस गर्ने तेलको रूपमा परिचित नवरत्न तेलको निःशुल्क हेड मसाज क्याम्प फेरि सञ्चालन हुने भएको छ । कम्पनीले काठमाडौं उपत्यकालगायत देशका प्रमुख सहरहरू पोखरा, नेपालगन्ज, विराटनगर, जनकपुर, वीरगन्ज, नारायणघाट, हेटौँडा, भरतपुर, धरानलगायतका सहरमा एक सय ५० दिनसम्म क्याम्प सञ्चालन गर्ने भएको छ ।
क्याम्पबाट लाखौँ ग्राहकले तेल मालिसको लाभ लिन सक्ने जनाइएको छ । यो तेल इमामी कम्पनीको एक विशिष्ट उत्पादन रहेको कम्पनीको दाबी छ । यसमा विभिन्न नौ आयुर्वेदिक जडीबुटीको समिश्रण रहेको र यो तेल नेपालको बजारमा एक अग्रणी स्थान ओगट्न सफल मालिस तेल भएको जनाइएको छ । कम्पनीले यस प्रकारको क्याम्प गत केही वर्षदेखि सञ्चालन गर्दै आएको छ ।
नवरत्न तेलका ब्रान्ड मैनेजर विकास तिवारीले नेपालमा कोरोना महामारीको अवस्था लगभग शून्य भएकाले क्याम्प सञ्चालन गर्न लागेको वताए । उनले भने, ‘विगतमा कोरोनाकै कारण हामीले यो क्याम्प सञ्चालन गर्न असमर्थ भएका थियौँ र अहिले हामी फेरि क्याम्प सञ्चालनका लागि अग्रसर भएका छौँ ।
क्याम्पको अवधिभर ५० जिल्लाका करिब १० लाखजनाले फ्री हेड मसाजको फाइदा लिनु हुने हामीले अपेक्षा गरेका छौँ । सबै महानुभावलाई यस क्याम्पमा सहभागी भएर मालिसको आनन्द उठाउन हुन आग्रह पनि गर्दछु ।’ टाउको र शरीर दुवैका लागि मालिस गर्न उपयुक्त यो तेलले मालिस गरेपछि गहिरो आराम, मानसिक थकान हट्ने र ठन्डा–ठन्डाको अनुभव, शरीरको दुखाइ कम हुने, तनाव र दवाबबाट मुक्त गराउने तथा शारीरिक एवं मानसिक आराम प्रदान गर्ने कम्पनीको दाबी छ ।
