न्यायसेवा आयोगले प्रकाशित गर्‍यो जिल्ला न्यायाधीशको नतिजा

न्यायसेवा आयोगको बैठकले जिल्ला न्यायाधीशको नतिजा प्रकाशन गरेको छ। कामु प्रधानन्यायाधीश दीपककुमार कार्कीको संयोजकत्वमा आइतबार बसेकाे  बैठकले नतिजा प्रकाशन गरेको हो। यसअघि महाभियोग प्रस्ताव दर्ता हुनुअघि तीनपटकसम्म आयोगको अध्यक्षका रूपमा प्रधानन्यायाधीश चोलेन्द्रशमशेर जबराले आयोगको बैठक बोलाएका थिए। तर, जबराले बोलाएको बैठक आयोगका सदस्य रहेका कानुनमन्त्री दिलेन्द्रप्रसाद बडू, महान्यायाधिवक्ता खम्मबहादुर खातीलगायतले बहिष्कार गर्दै आएका  थिए।