चीनले स्वशासित क्षेत्र तिब्बतमा बितेका ७० वर्षयता भए गरेका आर्थिक तथा सामाजिक विकासका गतिविधिलाई लिएर ‘तिब्बत–आर्थिक तथा सामाजिक विकासमा ७० वर्ष’ अभियान कार्यक्रम गरिरहेको छ । आर्थिक तथा सामाजिक रूपले पछि रहेको तिब्बतमा चीनले तीव्र विकासका गतिविधि सञ्चालनमा ल्याएपछि हालका दिनमा भौतिक, सामाजिक, सांस्कृतिक, पर्यटकीय तथा शैक्षिक रूपले विश्वको नै प्रमुख आकर्षक केन्द्रका रूपमा विकास भएको छ । 
चिनियाँ समाचार एजेन्सी सिन्हवाका अनुसार, हाल तिब्बतमा नौ लाख ९८ हजार आठ सय किलोमिटर सडक निर्माण भएको छ भने तिब्बत भएर १४० वटा आन्तरिक तथा अन्तर्राष्ट्रिय हवाई मार्गले विश्वसँग जोडेको छ ।
तिब्बतको विकासका लागि केन्द्रीय सरकारले आफ्नो वित्तीय सहयोग हरेक वर्ष बढाउँछ, साथै विभिन्न चरणमा धेरै ठूला परियोजना सञ्चालनमा ल्याएको छ, जसबाट यस क्षेत्रको दीर्घकालीन विकास र जनताको जीवनस्तर उकास्नमा सहयोग गरेको छ ।
चीनले १९९४ देखि २०२० सम्म, प्रान्तीय र समकक्ष प्रशासनिक एकाइ, केन्द्रीय सरकारी विभाग, राज्य सरकारको स्वामित्वमा रहेका उद्यमको सीधा केन्द्रीय सरकारले तिब्बतलाई परियोजना सञ्चालनमा ल्याई तिब्बतले बिस्तारै राजमार्ग, रेलवे, हवाई मार्ग, र पाइपलाइनबाट बनेको एक व्यापक यातायात नेटवर्क बनाएको छ ।
सबै प्रशासनिक गाउँमा मोबाइल फोन पहुँच छ र अप्टिकल केबल बोडब्यान्ड कभरेज भएको छ । हाल तिब्बतको कृषि, वन, पशुपालन, र माछापालनबाट उत्पादनको कुल मूल्य २६४ आरएमभीभन्दा माथि छ ।
यस क्षेत्रमा अब स्थानीय सुविधासँग एक आधुनिक औद्योगिक प्रणाली छ, स्वच्छ ऊर्जा, प्राकृतिक पिउने पानी, खेती र पशु उत्पादन प्रशोधन, लोक हस्तशिल्प, तिब्बती औषधि, र निर्माण सामाग्री, स्वच्छ ऊर्जा उद्योगको विकासलाई तीव्र बनाएको छ ।
शैक्षिक क्षेत्रमा यहाँका १५ वर्षभन्दामुनिका बालबालिकालाई सरकारले लगानी गर्दै आइरहेको जनाएको छ ।
