खोप केन्द्रबाटै कोभिड संक्रमणको जोखिम, छैन व्यवस्थापन (भिडियोसहित)

सरकारले कोभिड– १९ विरुद्धको खोपको सहज उपलब्धता गराउँदै व्यवस्थित रूपले लगाउने भनिरहे पनि संघीय राजधानीमै खोप लगाउनेहरूको भिड घटेको छैन । राजधानी काठमाडौंमा कोभिड– १९ विरुद्धको खोप लगाउनेहरूको भिड बढिरहेको छ । अव्यवस्थित रूपले खोप कार्यक्रम सञ्चालन गरिँदा खोप केन्द्रबाटै कोभिड संक्रमणको जोखिम बढेको छ । 
काठमाडौंमा विभिन्न खोप केन्द्रहरूबाट खोप निरन्तर लगाइएको  छ, जहाँ लक्षित समूहका मानिसहरूको खोप लगाउन भिड लागेको छ । दिनभरि लाइनमा बस्दा पनि कतिपयले खोप लगाउन नपाएको गुनासो गरेका छन् ।