फोर्ड नेपालले नयाँ फिगो २०२१ गाडी सार्वजनिक गरेको छ । कम्पनीले ६ स्पिड अटोमेटिक गियरबक्स भएको १.२ लिटर स्वचालित ट्रान्समिसन इन्जिनयुक्त नयाँ फिगो सार्वजनिक गरेको छ । यो गाडीमा ड्राइभिङका लागि प्रभावकारी मानिएको १.२ लिटर पेट्रोल इन्जिन रहेको छ । यसले ९६ शक्ति उत्सर्जन गर्ने कम्पनीको दाबी छ ।
नयाँ अटोमेटिक फिगो ६ स्पिड टर्क र अटोमेटिक ट्रान्समिसनसँग जोडिएको जनाइएको छ । यो गाडी स्पोर्ट मोड र सेलेक्टसिफ्ट फिचरका साथ उत्कृष्ट प्रदर्शनी र सञ्चालनहरूको संयोजनबाट सुसज्जित रहेको कम्पनीको दाबी छ । यसमा अधिक सुरक्षा सुविधा र ६ एयरब्याग, ट्र्याक नियन्त्रण प्रणाली (टिसिएस) र हिल प्रक्षेपण सुविधा रहेको कम्पनीले जनाएको छ । यो गाडीमा १ लाख किलोमिटर वा ३ वर्षे वारेन्टी रहेकाले न्यून मेन्टेनेन्स खर्च लाग्ने जनाइएको छ ।
नयाँ भेरियन्ट ६ स्पिड, टर्क सम्परिवर्तकसहितको अटोमेटिक ट्रान्समिसनको ह्याचब्याक सेग्मेन्टको फिगो गाडीको नयाँ उन्नत संस्करण रहेको कम्पनीले जनाएको छ । कम्पनीले दुई नयाँ मोडलका गाडी सार्वजनिक गरेको हो । जसमा फोर्ड फिगो टाइटेनियम एटी र फोर्ड फिगो टाइटेनियम प्लस रहेका छन् ।
टाइटेनियममा १५ इन्च आल्मुनियम र म्याग्नेसियमले भरिएका चक्का, उचाइ सन्तुलन चालक सिट र पछिल्लो लहरमा बस्नेका लागि हेडसेटको सुविधा रहेको छ । त्यस्तै, ७.० इन्च टचस्क्रिन सूचना प्रणाली पहिचानकर्ता, म्यानुअल एसी, ह्विल माउन्टेड नियन्त्रक स्टेरिङ, डबल एयरब्याग, स्वचालित बाहिरी साइड मिटर र इएसपीलगायत विशेषता रहेको कम्पनीले जनाएको छ । टाइटेनियम प्लसमा भने थप विशेषताका रूपमा साइड कर्टेन एयरब्याग, अटोमेटिक एसी, अटो हेडलाइट र वाइपर, इलेक्ट्रोक्रोमिक आइआरभिएम, शक्ति तहको मिरर, फ्रन्ट फग ल्याम्प्स र पछाडि वासर एवं वाइपर र डिफगर रहेको जनाइएको छ ।
फोर्ड फिगो टाइटेनियमको मूल्य ३४ लाख ९९ हजार रुपैयाँ र टाइटेनियम प्लसको मूल्य ३६ लाख ९९ हजार रुपैयाँ तोकिएको छ ।
