बैंक अफ काठमाण्डूले कर्पोरेट पे सेवा दिने

बिहिबार, १५ माघ, २०७७
डिजिटल संस्करण

बैंक अफ काठमाण्डू लिमिटेडले  आफ्ना संस्थागत ग्राहकका लागि बैंक खाताबाटै विद्युतीय कारोबार गर्न सक्ने कर्पोरेट पे प्रणालीको सुरुवात गरेको छ । उक्त सेवा बैंकले नेपाल क्लियरिङ हाउस लिमिटेडसंगको सहकार्यमा उपलब्ध गराएको हो ।

सम्झौतामा बैंकका प्रमुख सूचना अधिकारी महेश मिश्र तथा क्लियरिङ हाउसका प्रमुख सञ्चालन अधिकृत मुन्नी राजभण्डारीले हस्ताक्षर गरेको जनाइएको छ ।

बैंकका संस्थागत ग्राहकलाई डिजिटल माध्यमबाट रकम स्थानान्तरण, तलब व्यवस्थापन, सरकारी राजस्व भुक्तानीलगायत अन्य विभिन्न व्यावसायिक भुक्तानी आफ्नो बैंकमा रहेको बैंक खाताबाट सजिलै गर्न सकिने कम्पनीले जनाएको छ । उक्त प्रणालीमार्फत कनेक्ट आइपिएस वा एनसिएचएल–आइपिएस भुक्तानी कारोबारहरू गर्न सकिने सुविधा रहेको जनाइएको छ । 

बैंक अफ काठमाण्डू लिमिटेडले ९० शाखा, ७८ एटिएम र १० एक्स्टेन्सन काउन्टरबाट ग्राहकलाई उत्कृष्ट बैंकिङ सुविधा प्रदान गर्दै आइरहेको जनाएको छ ।

सुझावित समाचार