नेपालका लागि कोरियाली गाडी स्याङयोङको आधिकारिक विक्रेता रहेको एवं आइएमएस ग्रुपअन्तर्गतको आइएमएस मोटर्सले दसैँ–तिहारको अवसर पारेर ‘स्याङयोङ फेस्टिभ डिलाइट’ अफर ल्याएको छ ।
अफरमा स्याङयोङ गाडी खरिदकर्ताले ३ लाख रुपैयाँसम्म छुट प्राप्त गर्न सक्ने जनाइएको छ । यसका साथै ग्राहकले आफ्ना पुराना सवारीसँग एक्सचेन्ज गरेमा बोनसस्वरूप २ लाख रुपैयाँसम्म प्राप्त गर्न सक्ने कम्पनीले जनाएको छ । कोभिड वारियर्स भनेर चिनिएका डाक्टर, नर्स, स्वास्थ्य सेवाकर्मी र प्रहरीलाई थप १ लाख रुपैयाँ छुट दिने जनाइएको छ ।
अन्य अफर
नगद छुटबाहेक कम्पनीले गाडीको १ वर्ष निःशुल्क बिमा, ७ वर्षसम्मको फाइनान्स सुविधा, ३ वर्ष वारेन्टीको सुविधा पनि प्रदान गर्ने जनाएको छ । त्यस्तै, ३ वर्षसम्म निःशुल्क मर्मत, २५ हजार रुपैयाँबराबरको निःशुल्क एसेसरिज र रिफर ग्राहकका लागि २ वर्षसम्म निःशुल्क सर्भिसिङको सुविधा दिने जनाइएको छ । यो अफर कात्तिक २६ गतेसम्म लागू हुने कम्पनीले जनाएको छ । स्याङयोङ कोरियाको चौथो ठूलो गाडी उत्पादन गर्ने कम्पनी रहेको कम्पनीको दाबी छ ।
