आँखु खोलामा पौडी खेल्न गएका एक युवक बेपत्ता

धादिङको आँखु खोलाले बगाएर खनियाँबास गाउँपालिकाका–१ पेर्चाेका २० वर्षीय ग्याल्वो योञ्जनलाई बेपत्ता बनाएको छ । उनलाई पौडी खेल्ने क्रममा खोलाले बगाएको हो ।
जिल्ला प्रहरी कार्यालय धादिङका प्रहरी निरीक्षक एवं प्रवक्ता सरोज राईका अनुसार उनलाई बिहीबार दिउँसो ३ बजेतिर खोलाले बगाएको हो । बेपत्ता भएका युवकको प्रहरीले खोजी गरिरहेको छ ।