बर्दिया । बर्दियामा भएको सडक दुर्घटनामा परी एकजनाको मृत्यु भएको छ । सडक दुर्घटनामा परी गेरुवा गाउँपालिका– ३, लोहारपुरका ४० वर्षीय हरिराम थारूको मृत्यु भएको हो ।
शनिबार साँझ करिब साढे ८ बजे राजापुर नगरपालिका– ८, भोगपुरमा थारूले चलाएको से.८प ५७३८ नम्बरको मोटरसाइकल अनियन्त्रित भई दुर्घटना भएको थियो ।
दुर्घटनामा घाइते भएका थारूको राजापुरमा प्राथमिक उपचार गरिएको जिल्ला ट्राफिक प्रहरी कार्यालय बर्दियाले जनाएको छ ।
राजापुरमा प्राथमिक उपचारपछि थप उपचारका लागि बर्दिया अस्पताल लैजाने क्रममा उनको मृत्यु भएको जिल्ला ट्राफिक प्रहरी कार्यालय बर्दियाका प्रमुख प्रहरी निरीक्षक सन्दीप बेलबासेले जानकारी दिए ।
