प्रतिनिधिसभाको कार्यव्यवस्था परामर्श समितिले आगामी असोज १५ गतेसम्मको संसदीय कार्यतालिका स्वीकृत गरेको छ।
सभामुख डोलप्रसाद (डिपी) अर्यालको सभापतित्वमा सिंहदरबारस्थित सभामुखको कार्यकक्षमा बसेको समितिको बैठकले प्रस्तावित कार्यतालिकामाथि विस्तृत छलफल गरी आवश्यक परिमार्जनसहित स्वीकृति दिएको हो।
सभामुखको निजी सचिवालयका अनुसार नयाँ कार्यतालिका स्वीकृत भएसँगै प्रतिनिधिसभाका आगामी बैठक, विभिन्न विधेयकमाथिको छलफल तथा अन्य संसदीय गतिविधि सोही कार्यतालिकाअनुसार सञ्चालन हुनेछन्।
समितिले संसद्को कामकारबाहीलाई व्यवस्थित र प्रभावकारी रूपमा अघि बढाउने उद्देश्यले कार्यतालिकामा आवश्यक समायोजन गरेको जनाएको छ।
See More On
