बाढी प्रभावित नागरिकको खोज, उद्धार, राहत तथा पुनर्स्थापनाका लागि एनआइएमबी एस क्यापिटल, एनआइबिएल इक्विटी पार्टनर्स तथा यसका पोर्टफोलियो कम्पनीबाट ५६ लाखभन्दा बढी सहयोग गरिएको छ । उक्त सहयोग प्रधानमन्त्री दैवीप्रकोप उद्धार कोषमा जम्मा गरिएको हो ।
जसअन्तर्गत एनआइएमबी एस क्यापिटल, एनआइबिएल इक्विटी पार्टनर्सबाट २१ लाख र एनआइबिएल इक्विटी पार्टनर्सका पोर्टफोलियो कम्पनीबाट ३५ लाख नगद सहयोग गर्ने प्रतिबद्धता जनाइएको छ ।
बाढीबाट प्रभावित रसुवा, नुवाकोट, धादिङ, गोरखा, तनहुँ, चितवनलगायतका जिल्लाको पुनर्निर्माण तथा दीर्घकालीन विकासमा समेत आवश्यक सहयोग पुर्याउने प्रतिबद्धता व्यक्त गरिएको छ ।
