नापी कार्यालय धनुषाले नापजाँच भएको करिब १० वर्षपछि धनुषाको सबैला नगरपालिका– ११ का ५७ परिवारलाई जग्गाधनी पुर्जा वितरण गरेको छ ।
साबिक मखनाहा गाउँ विकास समिति वडा नं. ६, ७, ८, ९ अन्तर्गत पर्ने गाउँ ब्लक (स्ववासी) जग्गाको नापजाँच आर्थिक वर्ष ०७२/७३ मा सम्पन्न भएको थियो।
नापजाँच सम्पन्न भए पनि जग्गा दर्ताका लागि आवश्यक जनसहभागिता न्यून हुँदा पुर्जा वितरणको प्रक्रिया लामो समय रोकिएको थियो। विगतमा आयोगबाट नापनक्सा भइसकेको जग्गाको आवश्यक प्रक्रिया पूरा गर्दै ५७ थान जग्गाधनी पुर्जा वितरण गरिएको हो।
पुर्जा प्राप्त गरेसँगै लामो समयदेखि स्ववासीका रूपमा बसोबास गर्दै आएका ५७ परिवारले औपचारिक रूपमा आफ्नो जग्गाको कानुनी स्वामित्व प्राप्त गरेका छन्।
See More On
