रसुवागढी एकीकृत भन्सार भवन छिटो सक्न गृहमन्त्री गुरुङको निर्देशन

आइतबार, १० साउन, २०८३
डिजिटल संस्करण

गृहमन्त्री सुधन गुरुङले आठ वर्षदेखि निर्माणाधीन रसुवागढीस्थित एकीकृत भन्सार कार्यालय भवनको निर्माण कार्य तत्काल तीव्र गतिमा अघि बढाउन निर्देशन दिएका छन् ।

भन्सार कार्यालयको निरीक्षणका क्रममा पुगेका गृहमन्त्री गुरुङले निर्माणस्थलको अवस्था अवलोकन गर्दै कामदारको संख्या बढाएर तोकिएको समयभित्र काम सम्पन्न गर्न आग्रह गरे ।

उनले ठेक्का लिएर काममा ढिलासुस्ती गर्ने निर्माण कम्पनी तथा जिम्मेवारी पूरा नगर्ने प्राविधिक र अनुगमनकर्तामाथि कारबाही गरिने चेतावनी दिए । लामो समयदेखि निर्माण अलपत्र परेको भन्दै उनले राज्यको महत्वपूर्ण संरचना निर्माणमा कुनै पनि बहाना स्वीकार्य नहुने बताए ।

रसुवागढी क्षेत्रको निरीक्षणपछि गृहमन्त्री गुरुङले सीमा क्षेत्रमा खटिएका भन्सार कर्मचारी र सुरक्षाकर्मीलाई सुरक्षा व्यवस्था थप मजबुत बनाउन तथा सेवा प्रवाहलाई प्रभावकारी र छिटोछरितो बनाउन निर्देशन दिए ।

यसैबिच, शनिबार साँझदेखि भोटेकोशीमा बेपत्ता भएको विद्युतीय इभी भ्यानका चालकको खोजीकार्य तीव्र पारिएको छ । घटनास्थलमा राजधानीबाट गोताखोरको टोली पुगेको छ।

सुझावित समाचार