प्रधानन्यायाधीश डा. मनोजकुमार शर्मा शनिबार साँझमा वीरगन्जमा आइपुगेका छन्। गत महिनामा प्रधानन्यायाधीशमा नियुक्त भएपछि डा. शर्मा पहिलोपटक वीरगन्ज आइपुगेका हुन्।
उनले वीरगन्जको चिनिमिलस्थित रहेको उच्च अदालत जनकपुरको अस्थायी इजलास वीरगन्ज र पर्सा जिल्ला अदालतको निरीक्षण गरेको पर्साका प्रहरी नायब उपरीक्षक हरिबहादुर बस्नेतले जानकारी दिए।
प्रधानन्यायाधीश शर्माले अदालतको सेवा प्रवाह, सुरक्षा व्यवस्थापन र भौतिक पूर्वाधारको अवस्थाबारे स्थलगत अनुगमन गरेको उनले बताए। उनका अनुसार शनिबार साँझमा प्रधानन्यायाधीश डा. शर्मा वीरगन्जमा आएकाले आज यही बस्ने कार्यक्रम रहेको छ। अदालत निरीक्षणको क्रममा पर्साका प्रमुख जिल्ला अधिकारी भोला दाहाल र सुरक्षा निकायका उच्च अधिकारीहरूको सहभागिता रहेको थियो।
See More On
