गर्मीले तराई मधेशको जनजीवन प्रभावित

एक सातायता बढेको गर्मीले तराई मधेशको जनजीवन प्रभावित भएको छ । सधैँ भिडभाड हुने वीरगन्जको मुख्य बजारमा दिउँसो आवतजावत पातलिएको छ ।

बिहानैदेखि चर्को घाम र तातो हावा चल्न थालेपछि सर्वसाधारणको दैनिकीमा समेत असर पर्न थालेको छ । गर्मीका कारण विद्यालयमा बिहानी कक्षा सुरु भएका छन् ।

घर बनाउने काम गर्दै आएका मोहम्मद हासिम मियाँले दिउँसो काम गर्न सकिने अवस्था नरहेको बताए ।