नेकपा एमालेका सांसद राजेन्द्रकुमार राईले नेपाली जनताको ठुलो समस्याको रूपमा बाँदर देखा परेकाले यसको नियन्त्रणका लागि सरकार गम्भीर हुनुपर्नेमा जोड दिएका छन् ।
बिहीबार बसेको प्रतिनिधिसभाको आकस्मिक समयमा बोल्दै सांसद राईले बाँदरकै कारण सयौँ मान्छेको उठीवास लागिसक्दा पनि सरकार यो कुरामा मौन देखिनु गम्भीर विषय भएको उल्लेख गरे । उनले भने, ‘एउटा मान्छेले कमजोरी गरे हात बाँधेर जेलमा थुनिन्छ, तर बाँदरले गरेको ज्यादतीले मान्छे आजित भइसकेका छन् । बाँदर नियन्त्रण नभएसम्म जनताको जीवन परिवर्तनमा ठुलो समस्या हुन्छ ।’
उनले सात दिनसम्म बाँदर समस्या समाधानका लागि खाका तयार नभए सदन चल्न गाह्राे हुने चेतावनी दिए ।
See More On
