मध्यपूर्वमा देखिएको तनावका कारण केही महिनादेखि रोकिएको कुवेत एयरवेजले आगामी मंगलबारदेखि काठमाडौंमा नियमित उडान पुनः सुरु गर्ने भएको छ। यसअघि सातामा दुई उडान गर्दै आएको एयरवेजले गत फेब्रुअरी १ देखि अनिश्चितकालका लागि सेवा स्थगित गरेको थियो।
मध्यपूर्वको अवस्था केही सहज बन्दै गएपछि कम्पनीले नयाँ उडान तालिका सार्वजनिक गरेको हो। तालिकाअनुसार अब काठमाडौं–कुवेत उडान हरेक मंगलबार र बिहीबार सञ्चालन हुनेछ।
कुवेत नेपाली श्रमिकहरूको प्रमुख रोजगारी गन्तव्य भएकाले उडान पुनः सञ्चालनले यात्रुहरूलाई राहत पुग्ने अपेक्षा गरिएको छ।
हाल कुवेत–काठमाडौं रुटमा कुवेत एयरवेज र जजिरा एयरले सेवा दिँदै आएका थिए। तर, क्षेत्रीय तनावका कारण दुवै कम्पनीले उडान रोकेका थिए। जजिरा एयरले भने हालसम्म नयाँ उडान तालिका सार्वजनिक गरेको छैन।
See More On
