मध्यवर्ती क्षेत्रका वन्यजन्तुबाट पीडित महिलालाई मासिक भत्ता

शनिबार, २६ बैशाख, २०८३
डिजिटल संस्करण

बर्दिया राष्ट्रिय निकुञ्जसँग जोडिएको मध्यवर्ती क्षेत्रमा बसोबास गर्ने  एकल तथा सख्त घाइते महिलालाई मासिक भत्ता दिने गरेको पाइएको छ । राष्ट्रिय प्रकृति संरक्षण कोषले मध्यवर्ती क्षेत्रमा बसोबास गर्ने ३८ जना एकल तथा शक्त घाइते महिलालाई  मासिक भत्ता दिने गरेको पाइएको हो । 

वन्यजन्तुको आक्रमणबाट श्रीमान् गुमाएका ३० जना एकल महिला र ८ जना वन्यजन्तुको आक्रमण सख्त घाइते भएका महिलालाई  मासिक एक हजार पाँच सय रुपैयाँ जीविकोपार्जन भत्ता दिने गरेको राष्ट्रिय प्रकृति संरक्षण कोष बर्दियाका प्रमुख अजित तुम्बाहाम्फेले बताए । 

‘वन्यजन्तुबाट पीडित महिलालाई  मासिक भत्ता दिँदा उहाँहरूको जीवनयापनमा सहयोग पुगोस् भन्ने उद्देश्यले मासिक भत्ता दिने गरिएको छ । भत्ता दिनको लागि संरक्षण शुल्कबाट उठेको रकमको केही रकम दिने  गरिएको छ ।’ उनले भने, ‘संरक्षण शुल्कबाट उठेको रकम केही अंश रकम वन्यजन्तुपीडित महिलालाई दिने गरिएको छ ।’

राष्ट्रिय प्रकृति संरक्षण कोषले दिने गरेको मासिक भत्ता भने सामुदायिक वन आसपास बस्ने एकल महिलाले पाउँदैनन् । तर वन्यजन्तुको आक्रमणबाट बर्दियाका जुनसुकै ठाउँमा मासिकको मृत्यु भएमा पीडित परिवारलाई राष्ट्रिय प्रकृति संरक्षण कोषले क्रिया खर्चबापत ५० हजार सहयोग गर्ने गरेको छ ।

सुझावित समाचार