मोरङ प्रहरीले स्रोत नखुलेको २७ लाख रुपैयाँसहित दुईजनालाई विराटनगर विमानस्थलबाट पक्राउ गरेको छ । चेकजाँचका क्रममा शनिबार बुद्ध एयरबाट काठमाडौं जान लागेका सुनसरी धरान उपमहानगरपालिका–१८ का ३५ वर्षीय दिलीप तामाङलाई झोलामा स्रोत नखुलेको नेपाली ११ लाख रुपैयाँ फेला परेपछि पक्राउ गरेको हो ।
यसैगरी शनिबार नै श्री एयरलाइन्सबाट काठमाडाैं जान लागेका भारत पश्चिम बंगालको माल्दा घर भएका ३६ वर्षीय मोहम्मद अतिफलाई नगद १५ लाख ९८ हजार रुपैयाँसहित पक्राउ गरेको हो ।
घटनाबारे स्रोत नखुलेको रकमबारे थप अनुसन्धान जारी रहेको र अवैध रूपमा रकम ओसारपसार हुने गतिविधिमाथि निगरानी कडाइ गरिएको मोरङ प्रहरीले जानकारी दिएको छ ।
See More On
