देशका कहलिएका अर्थविद् डा. स्वर्णिम वाग्ले अर्थमन्त्री बनेका छन्। रास्वपाका उपसभापतिसमेत रहेका वाग्लेलाई चुनावअघिदेखि नै भावी अर्थमन्त्रीका रूपमा प्रचार गरिएको थियो।
पार्टी सभापति रवि लामिछानेले त तीन महिनाअघि नै आगामी वर्षको बजेट लेख्ने काम सुरु गर्न भनेका थिए। २१ पुसमा राष्ट्रिय सभागृहमा आयोजित पार्टी एकतासम्बन्धी कार्यक्रममा लामिछानेले भनेका थिए– देशभरबाट जुन उत्साह र ऊर्जा रास्वपाप्रति देखिएको छ, त्यसलाई हेरेर यतिचाहिँ भन्न सक्छु– डाक्टर साहब, आउने वर्षको बजेट लेख्न सुरु गर्नुहोस्। अन्ततः लामिछानेले भनेअनुसार नै रास्वपाले बहुमत ल्यायो र वाग्ले अर्थमन्त्री बनेका छन्। लामिछानेले पनि आफ्नो वाचा पनि पूरा गरेका छन्।
अर्थमन्त्री भएसँगै अब देशमा परिवर्तन देखिने गरी नयाँ बजेट लेखनमा लाग्नुपर्ने जिम्मेवारी छ । संविधानअुनसार १५ जेठमा बजेट ल्याउनुपर्ने हुन्छ । दुई महिना मात्र बाँकी रहेकाले नयाँ बजेटको तयारीमा उनी केन्द्रित हुनुपर्नेछ।
डा. वाग्लेले यसअघि राष्ट्रिय योजना आयोगको उपाध्यक्ष भएर काम गरिसकेका छन्।
2022-10-04-09-36-09.jpeg)
