जेन–जी आन्दोलनका भागेका थुनुवा पक्राउ

जेन–जी आन्दोलनका भागेका थुनुवा पक्राउ परेका छन्। सुर्खेतको वीरेन्द्रनगर नगरपालिका–९, लाटीकोइलीका १८ वर्षीया गोविन्द थापालाई जिल्ला प्रहरी कार्यालय सुर्खेतले सोही ठाउँबाट पक्राउ गरेको हो। 

थापालाई आइतबार पक्राउ गरेको र भदौ २४ गते जेन–जी आन्दोलनका क्रममा बाल सुधारगृह नौबस्ता बाँकेबाट भागेर फरार रहेका थिए। 

विगतमा उनी लागुऔषध मुद्दामा मुद्दाको थुनुवा रहेका र जिल्ला प्रहरी कार्यालय सुर्खेतमा राखिएको सम्बन्धित बाल सुधारगृह पठाउने कार्य भइरहेको प्रहरीले जनाएको छ।