काठमाडौंका विभिन्न स्थानबाट मोटरसाइकल तथा मोबाइल चोरी गर्ने गिरोहलाई प्रहरीले पक्राउ गरेको छ। प्रहरी प्रभाग बुढानीलकण्ठबाट खटिएको प्रहरी टोलीले चोरीका तीन मोटरसाइकल, दुई स्कुटर र सात मोबाइलसहित चारजनालाई नियन्त्रणमा लिएको हो।
पक्राउ पर्नेमा सिन्धुलीको फिक्कल गाउँपालिका– १ घर भई काठमाडौंको गोकर्णेश्वर नगरपालिका– ४, माकलबारी बस्ने मेन्सुहाङ राई, बुढानीलकण्ठ नगरपालिका– ११ बस्ने समीर तामाङ, खोटाङको केपिलासगढी गाउँपालिका– ७ घर भई बुढानिलकण्ठ– १० कपन बस्ने प्रज्वल राई र दोलखाको मेलुङ गाउँपालिका– ५ घर भई बुढानीलकण्ठ– ४ पासिकोट बस्ने जनम तामाङ रहेका छन्। उनीहरू सबै १८ वर्ष उमेरका रहेका जिल्ला प्रहरी परिसर काठमाडौंले जनाएको छ।
उनीहरूको साथबाट प्रहरीले चोरीका तीनवटा मोटरसाइकल, दुईवटा स्कुटर र सात थान मोबाइल बरामद गरेको छ।
See More On
