बर्दियामा ट्रयाक्टर पल्टिएर एकजनाको मृत्यु र तीनजना घाइते भएका छन् । ट्रयाक्टर पल्टिएर बाँसगढी नगरपालिका– ८ का १४ वर्षीय रोशन थारूको मृत्यु भएको छ ।
त्यसैगरी, ट्रयाक्टर पल्टिएर बाँसगढी नगरपालिका– ८ का ११ वर्षीय रितिक विक र १३ वर्षीय सुशान्त थारू र बढैयाताल गाउँपालिका– ४ का ६० वर्षीय बुद्धिराम थारू घाइते भएको जिल्ला ट्राफिक प्रहरीले जनाएको छ ।
साँझ साढे ६ बजेको समयमा बाँसगढी नगरपालिका– ९, रिहारको भित्री सडक खण्डअन्तर्गत थुमनीबाट माछागढ आउँदै गरेको ट्राक्टर रुखमा ठोक्किएर पल्टिँदा ट्राक्टरमा सवार रहेका एकजनाको मृत्यु र तीनजना घाइते भएको जिल्ला ट्राफिक प्रहरी कार्यालयको प्रमुख प्रहरी निरीक्षक सन्दीप बेल्वासेले बताए । उनले भने, ‘ट्राक्टर पल्टिएर घाइते भएका तीनजनाको बाँसगढी बजारमा रहेको कौशिल्या अस्पतालमा उपचार भइरहेको छ ।’ घाइतेहरूको अवस्था सामान्य रहेको छ ।
