सिजी हस्पिटालिटीको ‘मिराया वेलनेस एन्ड गल्फ रिसोर्ट’ले प्रणय दिवस अर्थात् भ्यालेनटाइन्स डेको अवसरमा सुलभ दरमा विभिन्न प्याकेज ल्याएको छ।
नवलपुरको देवचुली अर्थात् शाश्वतधाम र सिजी इन्डस्ट्रियल पार्कसँगै रहेको रिसोर्टले माघ २४ गतेदेखि फागुन २ गतेसम्म (फेब्रुअरी ७ देखि २४ सम्म)का लागि विभिन्न प्याकेज ल्याएको हो।
रिसोर्टले जोडीका लागि एक रात–दुई दिनको एउटा प्याकेज ल्याएको छ। यसमा ‘क्लब हाउस’अन्तर्गत एक जोडीका लागि १८ हजार पाँच सय र लगुन भिल्लामा बस्नेका लागि २० हजार ९९९ रुपैयाँ तोकिएको छ। यसमा इभिनिङ रिफ्रेसमेन्ट, योगा र मेडिटेसन, बोन फायरसहित पुलसाइडमा डिनर, १.५ घण्टाको गल्फ र बिहानको ब्रेकफास्ट समावेश छ।
यस्तै, अर्को दुई रात–तीन दिनको प्याकेज छ। यसमा ‘क्लब हाउस’अन्तर्गत एक जोडीका लागि ४३ हजार ९९९ र लगुन भिल्लामा बस्नेका लागि ४८ हजार ९९९ रुपैयाँ तोकिएको छ। यसमा इभिनिङ रिफ्रेसमेन्ट, योगा र मेडिटेसन, बोन फायरसहित पुल साइडमा डिनर, एन्टोनियामा डिनर, स्पा तथा हाइड्रो थेरापी, १.५ घण्टाको गल्फ, बिहानको ब्रेकफास्ट र लन्च समावेश छ।
शाश्वतधाम र सिजी इन्डस्ट्रियल पार्कसँगै ०८० मा खुलेको यो रिसोर्ट गल्फप्रेमीहरूका लागि आकर्षक गन्तव्य मानिन्छ। अध्यात्म, शान्ति र आनन्ददायी वातावरणका लागि यो रिसोर्ट नेपालको उत्कृष्ट साबित हुने सिजी हस्पिटालिटीको दाबी छ।
