नेपाली कांग्रेसका पूर्वनेता अमरेशकुमार सिंह राष्ट्रिय स्वतन्त्र पार्टीमा आबद्ध हुने भएका छन्। रास्वपाले आगामी सोमबार जनकपुरबाट सुरु गर्न लागेको पहिलो चुनावी सभाबाट उनी पार्टीमा आबद्ध हुन लागेका हुन्।
सोही सभाबाट आफूले नयाँ राजनीतिक अध्यायको सुरुवात गर्ने उनले जनाएका छन्।
सिंहले फेसबुकमा लेखेका छन्–
यही माघ ५ गते जगतजननी माता सीताको जन्मस्थल जनकपुरधाममा हुने राष्ट्रिय स्वतन्त्र पार्टीको कार्यक्रमबाट आफ्नो नयाँ राजनीतिक अध्यायको सुरुवात गर्दै छु। देश र मधेशमा रहेको भ्रष्टाचार कुशासनविरुद्ध हिजो स्वतन्त्र रहँदा उठाएको आवाज अब अझ बुलन्द हुनेछ। साथै मलगायत देश र मधेशको हित चाहने मधेशमा शिक्षा, स्वास्थ्य, रोजगार र भौतिक पूर्वाधारको विकास चाहने सम्पूर्ण आमाबुबा तथा दिदीबहिनीहरूलाई यसै कार्यक्रममार्फत जुट्न आह्वान गर्दछु।
See More On
