सुदूरको भाषा, संस्कृति प्रवर्द्धन गर्न खप्तड घाम छैन, होइन भिनाजु देउडा गीत बजारमा

सुदूरपश्चिमको भाषा, संस्कृति प्रवर्द्धन गर्नका लागि यहाँका स्रष्टाहरूले लोक देउडा गीतसंगीत बजारमा ल्याएका छन्। लोक डेउडा गायकद्वय गणेशबहादुर सिंहले खप्तड घाम छैन र लक्ष्मण अधिकारीले होइन भिनाजु देउडा गीत बजारमा ल्याएका हुन् । 

दुवै गीतको लय पर्दापछाडिका स्रष्टा राजेन्द्र शाह(बिपी) र मोडल अभिनयमा लालबहादुर धामी(अछामी बड्डो)ले गरेका छन्। ‘होइन भिनाजुमा’ अधिकारीको शब्द, अभिनय, रेखा जोशीको लय रहेको छ ।  

देउडा मोडल उर्मिला कुँवर, छायांकन अमृत उपाध्याय, श्रृंगारतर्फ मेनुका साउद रहेका छन्। अधिकारीले ११पुसमा गीत युट्युब च्यानलमार्फत सार्वजनिक गरेका छन् । सुदूरका लोक देउडा गायक लक्ष्मण अधिकारीले मौलिक कला, लोक संस्कृति, भाषाको संरक्षण प्रवर्द्धनका लागि उक्त देउडा गीत बजारमा ल्याएको बताए। अधिकारीले यसअघि पनि थुप्रै लोक संगीत बजारमा ल्याएका थिए ।