प्रधानमन्त्रीसहित तीन शीर्ष नेताहरूसँग छलफलमा राष्ट्रपति पौडेल

राष्ट्रपति रामचन्द्र पौडेलले प्रधानमन्त्री सुशीला कार्कीसहित विघटित प्रतिनिधिसभाका शीर्ष तीन दलका तीन नेताहरूसँग छलफल थालेका छन्।

शीतलनिवासमा जारी बैठकमा एमाले अध्यक्ष केपी ओली, कांग्रेस सभापति शेरबहादुर देउवा र नेकपाका संयोजक पुष्पकमल दाहाल प्रचण्ड सहभागी छन्।

२३ र २४ भदौमा भएको जेन–जी आन्दोलनपछि पहिलोपटक तीन नेताहरू सँगै छलफलमा सहभागी भएका हुन्। बैठकमा समसामयिक राजनीतिका विषयमा छलफल भइरहेको बताइएको छ।