रुसी राष्ट्रपति भ्लादिमिर पुटिन दुईदिने भारत भ्रमणमा दिल्ली आइपुगेका छन्। उनलाई दिल्लीको पालम विमानस्थलमा भारतीय प्रधानमन्त्री नरेन्द्र मोदीले व्यक्तिगत रूपमा स्वागत गरेका छन्।
विमानस्थलमा औपचारिक स्वागतपछि प्रधानमन्त्री मोदी र राष्ट्रपति पुटिन एउटै कारमा निस्किएका थिए। पुटिन भोलि ५ डिसेम्बरमा दिल्लीमा हुने २३औँ भारत–रुस वार्षिक शिखर सम्मेलनमा भाग लिन भारत आएका हुन्। पुटिन भारत आउनुअघि केही रुसी मन्त्रीहरू दिल्ली आइपुगिसकेका थिए। जसमा उपप्रधानमन्त्री डेनिस मान्टुरोभ र रक्षामन्त्री सर्गेई सोइगुजस्ता प्रमुख व्यक्तित्वहरू पनि छन्।
पुटिनको दिल्ली भ्रमणलाई लक्षित गरी भारत सरकारले सुरक्षा व्यवस्था कडा पारेको छ।
राष्ट्रपति पुटिनको भारत भ्रमणलाई विश्वव्यापी रूपमा चासोको रूपमा हेरिएको छ। युक्रेन युद्ध, पश्चिमी देशहरूसँग रुसको तनाव र एसियामा बदलिँदो समीकरणहरूका बिच यो भ्रमण विशेष बनेको विज्ञहरूको भनाइ छ।
