मकवानपुरको भीमफेदीमा मोटरसाइकल दुर्घटना हुँदा दुईजनाको मृत्यु

मकवानपुरको मकवानपुरगढी गाउँपालिका– ५ र भीमफेदी गाउँपालिका– १ को सिमानास्थित बुङ्दल खोला पुलनजिक मोटरसाइकल दुर्घटना हुँदा दुईजनाको मृत्यु भएको छ । 

घटनास्थलमै मृत्यु भएका दुवैजनाको पहिचान खुल्न बाँकी रहेको प्रहरीले जनाएको छ । जिल्ला प्रहरी कार्यालय मकवापुरका प्रहरी प्रमुख प्रहरी उपरीक्षक सुवासचन्द्र बोहोराका अनुसार घटना राति भएको हो ।

बा.प्र.०३–००५ प ७९८० नम्बरको मोटरासाइकल झन्डै ४०–५० मिटर तल बुङ्दल खाेलामा खसेको छ । आइतबार बिहान स्थानीयले देखेपछि प्रहरीलाई खबर गरेका थिए । अहिले प्रहरी घटनास्थलमा पुगेको र दुर्घटनाको विस्तृत विवरण संकलन कार्य भइरहेको प्रहरी प्रमुख बोहोराले जानकारी दिए ।