राष्ट्रिय सभाअन्तर्गतको संघीयता सबलीकरण तथा राष्ट्रिय सरोकार समितिले प्रतिनिधिसभाको आगामी निर्वाचनको शान्तिसुरक्षाका विषयमा सरकारसँग जानकारी लिने भएको छ ।
सिंहदरबारमा बिहीबार बसेको समितिको बैठकमा समितिको आगामी कार्ययोजनाबारे छलफल गर्दै निर्वाचनको शान्तिसुरक्षाका विषयमा सरकारसँग छिट्टै जानकारी लिने तयारी गरिएको सभापति सोनाम गेल्जेन शेर्पाले जानकारी दिए । त्यसैगरी आगामी राष्ट्रिय सभाको निर्वाचनका विषयका साथै विभिन्न आयोजनाको बजेट कटौती गर्ने सरकारको निर्णयको सम्बन्धमा समेत जानकारी लिने उनले बताए ।
उनले समितिको बैठकमा छलफल हुने विषयहरूलाई प्राथमिकीकरण गर्दै नयाँ कार्ययोजना आगामी बैठकले अनुमोदन गर्ने जानकारी दिए ।
See More On
