नेपालकी धाविका सन्तोषी श्रेष्ठले भारतको राँचीमा भएको चौथो दक्षिण एसियन सिनियर एथलेटिक्स च्याम्पियनसिपमा १० हजार मिटर दौडमा नयाँ राष्ट्रिय कीर्तिमानसहित कांस्य जितेकी छिन् ।
उनले ३४ मिनेट ४७.७७ सेकेन्डमा दौड पूरा गरी १९ वर्षअघि कान्छीमाया कोजूको राष्ट्रिय कीर्तिमान तोडेकी हुन् । यसअघि सन्तोषीले महिला पाँच हजार मिटरमा पनि राष्ट्रिय कीर्तिमान बनाउँदै कांस्य पदक हात पारेकी थिइन् ।
सन् २००६ मा कोलम्बोमा भएको दक्षिण एसियाली खेलकुदमा कान्छीमाया कोजूले ३५ मिनेट ०३.४३ सेकेन्डको राष्ट्रिय कीर्तिमान बनाएकी थिइन् । सन्तोषीले च्याम्पियनसिपमा प्रतिस्पर्धा गरेको दुवै इभेन्टमा नयाँ राष्ट्रिय कीर्तिमान बनाउँदै कांस्य जितेकी हुन् । सन्तोषीले केही समयअघि भारतकै भएको दिल्ली हाफ म्याराथनमा पनि नयाँ राष्ट्रिय कीर्तिमान बनाएकी थिइन् ।
See More On
