सञ्चार तथा सूचना प्रविधिमन्त्री जगदीश खरेलले हुलाक सेवालाई समयानुकूल सुधार गर्दै लैजानुपर्नेमा जोड दिएका छन्। १५१औँ विश्व हुलाक दिवसका अवसरमा हुलाक सेवा विभागले बिहीबार आयोजना गरेको कार्यक्रममा उनले हुलाकको आवश्यकता र सार्थकता नघटेको बताए। हुलाक सेवालाई आधुनिक, प्रतिस्पर्धी र व्यावसयिक बनाउनुपर्ने उनको जोड छ ।
स्थानीय तह र समुदाय, परिवार र व्यक्तिको तहसम्म हुलाक सेवा पुर्याउनुपर्ने भन्दै उनले विश्वको जुनसुकै देशमा रहेका नेपालीका बिचमा हुलाक सेवाको पहुँच हुनुपर्छ भने । हुलाक सेवालाई सुदृढ बनाउन मन्त्रालय सदैव सकारात्मक रहेको उल्लेख गरे ।
See More On
