विश्वकप छनोटका लागि ओमानमा रहेको नेपाली क्रिकेट टिमले आज दोस्रो तथा अन्तिम वार्मअप खेल खेल्दै छ। कतारसँगको वार्मअपमा नेपालले जस जितेर ब्याटिङ रोजेको छ। पहिलो वार्मअपमा नेपालले ओमानमाथि ६ विकेटको सहज जित निकालेको थियो।
प्रतियोगिताको खेलहरू भने ८ अक्टोबरदेखि सुरु हुँदै छन्। तीन समूहमा नौवटा टोलीबिच विश्वकपका लागि प्रतिस्पर्धा हुँदै छ। नेपालको समूहमा जापान र कुवेत छन्। हरेक समूहबाट दुई उत्कृष्ट टोली सुपर सिक्समा पुग्नेछन् भने सुपर सिक्समा पनि उत्कृष्ट हुने तीन टोलीले विश्वकपमा आफ्नो स्थान बनाउनेछन्।
