राष्ट्रिय परिचयपत्र वितरण पुनः सुरु

देशका विभिन्न स्थानबाट पुनः राष्ट्रिय परिचयपत्र वितरण सुरु भएको छ। जेन जेड आन्दोलनका कारण भदौ २३ गतेदेखि अवरुद्ध भएको सेवा आजदेखि सुरु भएको हो।

राष्ट्रिय परिचयपत्र तथा पञ्जीकरण विभागले आज सूचना प्रकाशित गरेर सेवा सुरु भएको जानकारी दिएको हो। 

विभागका अनुसार जिल्ला प्रशासन कार्यालय, इलाका प्रशासन कार्यालय, स्थानीय तह र विभागले तोकेको अन्य स्थानहरूमा सेवा सुरु भइसकेको र अन्य कार्यालयहरूमा क्रमशः सेवा सुचारु हुँदै जाने छ।