गोकुलगंगा गाउँपालिकाबाट बिहीबार बिहान यात्रु लिएर सदरमुकाम मन्थलीतर्फ आउँदै गरेको बाेलेरो गाडी खिम्तीमा दुर्घटना हुँदा गाडीमा सवार चारजना घाइते भएका छन्।गोकुलगंगाबाट मन्थली आउँदै गरेको बागमती प्रदेश ०३–३–०२९ च ६३६० नम्बरको बाेलेरो गाडी लिखु तामाकोशी गाउँपालिका– ६ खिम्तीस्थित छतिवने खोलामा दुर्घटनामा परेको हो । छतिवने खोला पार गर्नेबित्तिकै गाडी अनियन्त्रित भई सडकमुनि पल्टिएको हो ।
गाडी दुर्घटनामा परी गोकुलगंगा गाउँपालिका– ५, नामाडीका जिपचालक साङ्गे तामाङ र २२ वर्षीय नरबहादुर तामाङ घाइते भएका छन् । त्यसैगरी सोही गाउँपालिका– ६ फर्पुका वर्ष नखुलेका सिंहबहादुर तामाङ र दोलखा जिल्ला तामाकोशी गाउँपालिकाकी मधु विश्वकर्मा घाइते भएका छन् ।
घाइते सबैको स्थानीयहरूले घटनास्थलबाट उद्धार गरी उपचारका लागि मन्थली अस्पताल पठाएका छन् । घाइतेहरूको हाल मन्थली अस्पतालमा उपचार भइरहेको छ।घटनाको विषयमा अनुसन्धान भइरहेको जिल्ला प्रहरी कार्यालय रामेछापले जनाएको छ ।
